Gamugamo ka ngang sa liwanag naaakit
Puso’t isip ay mapusok, palibhasa’y sabik,
Na iyong matuklasan isang bagong daigdig
Mag-iingat ka sana, sa pangaral makinig.
Ikaw ay musmos o paslit ngayong naturingan
Nais tumuklas ng maraming kaalamanan
Gayahin at sundin tanging kabutihan lamang
Sa kasamaan at dilim, huwag patatangay.
Ang anumang suliranin, imposible pa man
Huwag mong katakutan, huwag mo ring atrasan.
Magtiwala ng lubos sa angking kakayahan,
Manalig sa Maykapal, ikaw ay gagabayan.
Magarap ka ngayon, ika’y lumipad sa mga ulap,
Gamitin iyong pakpak, abutin ang pangarap.
Kalayaan mo at giting, lubos na hangarin,
Mga taong humubog sa’yo, huwag mo lang limutin
Walang komento:
Mag-post ng isang Komento